Жалал-Абад шаарынын “Спутник” кичи шаарчасында жайгашкан Индустриал көчөсүнө Кыргыз Эл Жазуучусу Шабданбай Абдырамановдун ысымы ыйгарылды. Аталган иш-чарага Жалал-Абад шаарынын социалдык маселелер боюнча вице-мэри Айзат Раматиллаева баштаган бийлик өкүлдөрү катышты.

-Сузак районунун тургуну Шабданбай Абдырамановдун ысымын ыйгаруу боюнча сунуш өткөн 2016-жылы октябрь айында 6-чакырылыштын 37 сессиясында Жалал-Абад шаарынын мэриясы тарабынан шаардык кеңешке сунушталып, сессияда  шаарыбыздагы “Спутник” кичи районунда жайгашкан Индустриальная көчөсүнө Шабданбай Абдырамановдун ысымын коюу боюнча чечим кабыл алынган. Ал эми бүгүн мына ошол ойлогон ойлорубуз ишке ашып жатат, - дейт А. Раматиллаева

Белгилей кетсек, Кыргыз эл жазуучусу Шабданбай Абдыраманов 1930-жылы 24-декабрда Сузак районундагы Кыз-Көл кыштагында дыйкандын үй-бүлөсүндө туулган. Жазуучунун  “Гүлазык” (1976), “Дыйкандар” (1977), “Тагдыр” (1980), “Жашыл аалам” (1982), “Токуучулар” (1985), “Турмуш сырлары” (1988), “Дыйкандар” (1991) аттуу романдары бар.  Ошондой эле жалпысынан 20дан ашык китептери басмадан чыккан.