Базар-Коргон районуна караштуу Арстанбап айылында 13-августта өткөн алыш күрөш боюнча эл аралык мелдеш болуп, ага Тажикстан, Өзбекстан, Казакстан, Россиядан келген спортчулар катышты. Бул тууралуу өкүлчүлүктөн билдиришти.

Алынган маалыматка караганда, мелдешке Жогорку Кеңештин депутаттары, жергиликтүү бийлик өкүлдөрү, тургундар күбө болушту. Эл аралык мелдеште 70 кг салмактан 90 кг салмакка чейинки жалпы 389 балбан күч сынашып, жеңүүчүлөр аныкталды.

Өкмөттүн Жалал-Абад облусундагы ыйгарым укуктуу өкүлү Кыянбек Сатыбалдиев жеңүүчүлөрдү алтын, күмүш жана коло медалдар жана дипломдор менен сыйлады.