Үстүбүздөгү жылдын 28-май күнү саат 15-00 чамасында «ПЕРЕРОС» операциясы учурунда Ноокен районунун Кочкор-Ата шаарчасынын тургуну 1980-жылы туулган М.С. тарабынан атайлап карап өстүрүлгөн  1395 түп,  болжол менен 200кг. болгон баңги затын камсыздаган өсүмдүктөр табылып  калыстардын катышуусунда алынып, тийиштүү иш-кагаздары түзүлгөн.

Жалал-Абад ОИИБнын басма сөз кызматынын берген маалыматына караганда, операция учурунда алынган оперативдик маалыматтын негизинде Жалал-Абад ОИИБнын Баңги заттарды мыйзамсыз жүгүртүүгө каршы күрөшүү бөлүмүнүн кызматкерлери тарабынан жүргүзүлгөн ыкчам иликтөө иш-чараларынын натыйжасында баңги затын камсыздаган өсүмдүктөр Ноокен районунун  Чоң-Багыш айылында жайгашкан «Кыргызнефтегаз» ААКнун суу камсыздоо ишканасынын аймагында эгилген жүгөрүнүн  арасынан  табылган.  

“Аталган факт боюнча топтолгон материал Ноокен РИИБне катталып, КР КЖКнин 250-ст. менен кылмыш иши козголуп, тергөө амалдары жүргүзүлүүдө”, - деп билдирет басма сөз кызматы.