Бүгүн, 9-августта Сузак районунун Беш-Бала айылында 2 унаа кагышып, анын кесепетинен 3 адам каза болду.

КР Саламаттыкты сактоо министрлигинин басма сөз кызматынын берген маалыматына караганда, автокырсыктан 3 адам ар кандай жаракаттарды алып, Жалал-Абад облустук клиникалык ооруканасына 01:50дө жаткырылган. Алардын абалдары оор.

Ал эми ӨКМнин билдирүүсү боюнча, автокырсык «Фольксваген Венто» (мамлекеттик номуру 0747 L) унаасы менен «Хендай» (мамлекеттик номуру № В 9198 АZ) үлгүсүндөгү жеңил унаалардын катышуусунда болду. Учурда кырсыктын себептери такталып жатат.