“Азаттыктын” түркмөн кызматы маалымдагандай, Ашхабадда дары-дармектин баасы акыркы бир нече ай ичинде орточо 40% кымбаттады.

Ашхабадда жеке дарыканаларга караганда мамлекеттик дарыканаларда баа кымбат. Медициналык камсыздоонун негизинде дарыгер жазып берген айрым дарыларды табуу мүмкүн болбой жатат.

“Препараттардын көбүн дарыканаларда табуу мүмкүн эмес. Ден соолук борборлорунда жеңилдетилген дарылар жазылчу бланкалар жетишсиз. Аларды алган күндө да, акыры ыргытууга туура келет ", -деди 66 жаштагы ашхабаддык пенсионер. Анын айтымында, рецепт бир айлык мөөнөткө гана берилет. Мамлекеттик дарыканаларда препараттар ырааттуу түрдө жок болгондугуна байланыштуу бул убакыт ичинде рецепт менен дары сатып алуу оор.

Баалар тез-тез өзгөрүп тургандыктан жеке дарыканаларда дарылардын наркы көрсөтүлбөйт.