Кечээ, 27-июлда Жалал-Абад шаарында ЖК депутаттары Айнура Осмонова, Аида Касымалиева жана Ради Туманбаева, Жалал-Абад шаарынын социалдык маселелер боюнча вице-мэри Айзат Раматиллаева  үй-бүлөлүк даарыгерлер  менен жоолугушуу өткөрдү.

Жолугушуунун жүрүшүндө энелердин өлүмү,  ара төрөлгөн балдар, жашы жете элек кыздардын боюнан алдыруусу жана үй-бүлөнү туура пландаштыруу жөнүндө сөз жүрдү.  Буга себеп, 2015-жылдан бери өлкөгө акысыз  контрацептивдердин келбей калуусу болду. Мындан сырткары, жыйындын катышуучулары жашы жете элек кыздарга аборт жасоодо, сөзсүз түрдө анын ата-энеси жанында  болуп, алардын уруксаты менен гана ишке ашырыларын кошумчалашты.

Белгилей кетсек, буга чейин  мына ушундай жолугушуулар Токтогул жана Ноокен райондорунда болгон.  Ал жыйындарга дин өкүлдөрүнөн да катышкан.

Эске сала кетсек, шаарда 16-17- жаштагылардын арасындагы бойдон алдыруулардын саны 2015-жылы 32ни, ал эми 2016-жылы 19ду түзгөн. Булардын да ичинен биринчи кош бойлуу болгондордун саны 2015-жылы 23 болсо, 2016-жылы 14 болгон.