Бүгүн, 20-июль күнү таңкы саат 5-30 чамасында Бишкек-Ош жолунун 468-километринде Ош шаарынан Бишкек шаарына карай багыт алып өз жолунда "МАН" үлгүсүндөгү прицеби менен жүк ташуучу автоунаа өтүп бара жаткан.

Анын жолуна карама-каршы жол тилкесине чыгып Хонда Степвагон үлгүсүндөгү автоунаа толук карама-каршы жол тилкесине чыгып кагылышуу жасап өзүнүн жолуна кайра аңтарылып түшүп калган убакта, үчүнчү машина Хонда Одиссей келип сүзгөн. Натыйжада Хонда Степвагон үлгүсүндө жүргүнчү болуп бара жаткан 8 киши окуя болгон жерден каза болгон. Анын ичинен 3 аял 4 эркек, 1 кичинекей 4 жаштагы кыз. Хонда степвагондун айдоочусу оор акыбалда ооруканага түшкөн. Одиссейден жана оор жүк ташуучу автоунаадагылардан оор жараат алгандар жок жана материалдык чыгымга учураган. 

Окуя болгон жерге Жалал-Абад ОИИБнын жетекчилиги барып жеке көзөмөлгө алуу менен тергөө-ыкчам тобу жумуш алып барууда.
Жол кырсынан каза болгондордун өздүгү аныкталгандары:

-Жунусмамат уулу Эрмекбай. 1994-жылы туулган, Ош облусунун Өзгөн районунун Ана-Кызыл айылынын тургуну;
-Бердибеков Шамшидин Камалович, 1970-жылы туулган, Ош облусунун Алай районунун Даарат-Коргон айылынын тургуну;

- Дусматова Адинахан Укматовна, 1973-жылы туулган, Ош облусунун Кара-Суу районунун  Жаңы-Арык айылынын тургуну;
- Асанова Малика Эргешовна. 2014-жылы туулган, Ош облусунун Өзгөн району Куршаб айылы;
- Төрөгелдиева Гулнара Калиловна 1965-жылы туулган, Ош облусунун Кара-Кулжа районунан.

Калгандары такталууда.
Жалал-Абад ОИИБнын басма сөз кызматы.