Таш-Көмүр  жана  Шамалды -Сай  Үч-Коргон  ГЭСтеринде  кышка  даярдык   аракеттери  60  пайызга  аткарылып, эки  ГЭСтин   мамлекеттик  комиссиядан  өткөрүлүшү үчүн  “Электростанция”  ачык  акционердик  коому тарабынан  Таш-Көмүргө  109 млн.  сом,   Шамалды-Сай  ГЭСине  106 миллион  сом  каражат  каралган. 

Жакында Кыргыз Өкмөтүнүн Жалал-Абад облусундагы ыйгарым укуктуу өкүлү  Кыянбек  Сатыбалдиев  кышка  даярдык  жана  мамлекеттик коммисияга  өткөрүү боюнча камылга  кандай? - деген  максатта  жеринде  болуп, ГЭСтердин иши менен таанышып кайтты.     

Учурда  Таш-Көмүр ГЭСинде   техникалык  шарт  даяр. Буйруса  октябрь  айында  коммиссиядан  өткөрүлөт.  Ал  эми  Шамалды -Сай  ГЭСи  2018-жылга  даярдалууда. Жыйырма жылдан бери гидроэлектр станциясында эмгектенген Абдумажит ага өз кесибин мыкты билет. Инженердик кесип-техникалык багыттын негизги өзөгүн түзөт. Андыктан, бул кесипке каарманыбыз көп жыл катардгы ширетүүчүдөн баштап  жетти. Ошентип, үйрөнүп  олтуруп, учурда инженердин орун басары кызматын аткарып келет.

“Мамлекеттик  комиссиядан  өткөрүү үчүн негизинен  техникалык  шарт  талапка  жооп  бериши  керек. Буга  чейин  эле, агрегаддардагы  тетиктер  шартташтырылган.  Бирок,  быйылкы   бөлүнгөн  каржат  шартты  дагы  да  бышыктады”, - дейт Таш-Көмүр ГЭСинин инженердик адиси Абдумажит Тойгонбаев

Таш-Көмүр ГЭСсинин  кубаттулуугу  450 мега батт. Бүгүнкү күндө 190  мега  батт  электр  энергиясы   берилүүдө.

- Курулуш  бүткөрүлгөн жылдарда  жумушчу  коммиссиясынан  гана  өткөрүлгөн. Жакынкы  күндө малекеттик  коммиссиядан  өткөрүү үчүн жумуш  кызуу  жүрүүдө.  Курулуш  ишин  “Нарынгидроэнерго строй” компаниясы  аткарып  жатат  учурда  59 млн.  содук жумуш  аткарылды, - дейт Курулуп  жаткан  ГЭСтер  ишканасынын  директору Акылбек Камчыбеков.

Ошондой эле, дал  ушундай  эле жумуш  Шамалды-Сай  ГЭСинде  да  жүрүп  жатат. Айырмачылыгы бул ГЭС малекеттик  коммиссияга  2018-жылда тапшырылат. Мындагы  агрегаддарда  иш  ыргагы толук  кандуу  кышка  даяр  дешет адистер.                

Кыял  Сабирахунова, ЭлТРдин кабарчысы.