Үстүбзүздөгү жылдын 29-апрелинен 1-майга чейин Таджикстан Республикасынын Худжент шаарында спорттун самбо жана дзюдо түрүнөн эл аралык турнир өттү. Бул тууралуу Жалал-Абад ОИИБнын басма сөз кызматы билдирди.

Алынган маалыматка краганда, бул мелдешке Орто Азия мамлекеттеринен (Казакстан, Өзбекстан, Түркменистан, Тажикстан) жана Россиядан спортчулар, Кыргызстандан 34 балбан катышты. Алардын арасынан Жалал-Абад ОИИБнын алдындагы “Динамо” клубунан 10 спортчу жана машыктыруучулар барып келишти.

Жыйынтыгында, Жалал-Абад ОИИБнын тез чара көрүү атайын отрядынын күжүрмөн даярдык боюнча ага тескөөчүсү (СОБР кызматкери),  милициянын  капитаны  Көкүмов  Кубанычбек  100 килограммдан    жогорку  салмактагылар   арасында  күжүрмөн   самбо   түрүнөн  1-орунду багындырды.   Ушул  эле  спорттун  түрүнөн 74  кг  салмактагылар  арасында  Жалал-Абад   “ Динамо” спорт   клубунан  Орозбеков  Кубатбек   3-орунду  ээледи.

“Аталган  эки  жеңүүчүнү жана машыктыруучуларды  Жалал-Абад  ОИИБнын башчысы  Ж.Жоробеков  кабылдамасында  кабыл  алып,   алардын  багындырган  ийгиликтери  менен куттуктап, кийинки  боло  турган эл аралык  мелдештерге даярдыктары тууралуу пикир алышты”, - деп билдирет басма сөз кызматы.