Борбордук шайлоо комиссиясынын кечээ,  7-июлдагы жыйынында Жалал-Абад облусунун Таш-Көмүр шаарынын мэрин кайра шайлоо боюнча чечим кабыл алды. Бул тууралуу БШКнын аппаратынын маалыматтык бөлүмү билдирди.

Белгилей кетсек, 2017-жылдын 6-июлунда азчылыкта калган КСДП, "Өнүгүү-прогресс" жана "Таш-Көмүр жаштары" фракциялары алып чыккан жалгыз талапкер - КСДПчы Сулайман Сансызбаев кворум жоктугуна байланыштуу өтпөй калган. Ал эми ал күнү курамына «Республика», «Мекеним Кыргызстан» жана «Ата-Журт» фракциялары кирген көпчүлүк коалиция мүчөлөрү (16депутат) шайлоого келбей коюшкан. 

Ушуга байланыштуу мурунку катталган талапкерлер боюнча кайра шайлоону 2017-жылдын 21-июлунда, саат 9-00дөн 12-00гө чейин өткөрүү дайындалды. 

Кыргыз Республикасынын мыйзамына ылайык, кайра шайлоону өткөрүү Таш-Көмүр аймактык шайлоо комиссиясына тапшырылды.