Лондондун батыш бөлүгүндө көп кабаттуу үй өрттөнүп жатат. Азырынча кырсыктын келип чыгуу себептери белгисиз. Имараттын урап кетүү тобокелдиги жогору экени айтылууда.

Лондондун өрт коопсуздук кызматынын маалыматына караганда, өрт имаратты дээрлик толугу менен — экинчи кабаттан 27-кабатка чейин каптаган.

Reuters агенттиги шаардын тез жардам кызматына шилтеме кылып кеминде 30 адам жабыркаганын билдирүүдө.

Азырынча өрт чыккан маалда имаратта канча киши болгондугу жана алардын канчасы куткарылгандыгы белгисиз. Айрым ММКлар менен күбөлөр имаратта дагы деле жашоочулар бар экенин жана алар жардам сурап жаткандыктарын билдиришүүдө.

Grenfell Tower деп аталган имаратка 40 өрт өчүрүү унаасы жана 200 кызматкер жөнөтүлгөн. Би-би-си өрт чыккан имараттын урап калуу тобокелдиги жогору экенин билдирүүдө. Өрт чыккан аймакта өзгөчө абал жарыяланды