Үстүбүздөгү жылдын 30-май күнү кечки саат 18:30 чамасында Сузак районунун Көк-Арт дарыясындагы көпүрөдөн өз жанын кыюу үчүн сууга секирген келинди патрулдук милициянын кызматкерлери сактап калышты. Бул тууралуу Жалал-Абад ОИИБнын басма сөз кызматы билдирди.

Алынган маалыматка караганда, Япония мамлекети тарабынан курулган көпүрөнүн  100 метр түндүк тарабында Ош облусунун  Өзгөн районунун тургуну 1984-жылы туулган З.М. өзүнүн жолдошу менен урушуп  кетип, ачуу үстүндө өзүнүн жанынын кыюу үчүн  Көк-Арт дарыясына өзүн сууга таштаганын биринчи болуп Сузак айылынын тургуну, камаз айдаган шофер көрүп калып, ошол жерде өтүп бара жаткан  Жалал-Абад ОИИБнын патрулдук милиция кызматкерлерине кайрылган.

Агып бара жаткан З.М.ны куткарууга милициянын старшинасы Ж.Мурзакулов, милициянын сержанты Сапарбай уулу Б, жана милициянын прапорщиги Ж.Рахмановдор биринчи жардам көрсөтүшүп, Сузак райондук аймактык орууканасынын кабыл алуу бөлүмүнө алып келишкен.

“Натыйжада М.З. Сузак районунун аймактык ооруканасына көрүнүп, биринчи медициналык жардам алып чыгып, эч кимге эч кандай арыз доосу жок экендигин айтып, соттук медициналык экспертизадан өтүүдөн баш тарткан”, - деп билдирет Жалал-Абад ОИИБнын басма сөз кызматы.