Борбордук шайлоо комиссиясынын маалыматына караганда, 28-майда өткөн жергиликтүү кеңештерге болгон кезексиз шайлоолордун алдын ала жыйынтыктарынын негизинде Жалал-Абад шаарында 25 шайлоо тилкесинин 23нүн бюллетендери саналып бүттү.

Ага ылайык, биринчи орунда минималдык артыкчылык менен «Өнүгүү-Прогресс» партиясы (24,18%) алдыда, экинчиде 24,16% добуш менен КСДП баратат. «Мекеним Кыргызстан» шайлоочулардын 13,87%, «Ата Журт» 13,43%, «Кыргызстан» - 10,71%, «Республика» - 9,2% жана «Бүтүн Кыргызстан» 0,7% добуштарын алышты.

Эске сала кетсек, Жалал-Абад шаарында 37 миң 564 шайлоочу  жана 25 шайлоо участогу бар. Шайлоого жалпысынан 7 партиядан 496 талапкер катталган.