Жалал-Абад шаарындагы Михаил Бабкин атындагы №1 мектеп-гимназиясында 11-класстардын бүтүрүү салтанаты болуп, ага мектеп окуучулары, мугалимдер жамааты, ата-энелер жана жергиликтүү бийлик өкүлдөрү катышты.

Мектеп-гимназиянын директору Алтынай Тургунбаева айтымында, бул жылы мектепти жалпысынан 134 окуучу 9-классты, ал эми 74 окуучу11-классты аяктап жатат.

Жалал-Абад шаарынын 1-вице мэри Тайырбек Чойбеков мектепти аяктап жаткан бүтүрүүчүлөрдү куттуктап, жыл башынан тарта мамлекеттик олимпиадаларда  ийгиликтерге жеткен бүтүрүүчүлөрүнө жана ата-энелерине Ардак баракчаларын тапшырды.

- Бүтүрүүчүлөрдү алдыда келе жаткан мамлекеттик экзамендерин ийгиликтүү аяктап, буга чейин тапшырган мамлекеттик тестирлөөлөрдө тандаган багытыңар боюнча билим алып, Мекенибизди өсүп өнүгүүсүнө салым кошкон мыкты жаштардан болушуңарга тилектешмин деди,-Т.Чойбеков.

Бүтүрүү салтанатынын жүрүшү окуучулар тарабынан уюштурулган концерттик программалар менен коштолду.

Быйылкы жылы жалпысынан шаар боюнча 20 мектептен 773 бүтүрүүчү мектепти аяктап жатат.