Чийки мунайдын наркы быйыл биринчи ирет 50 долларга чейин жогорулады. Бул Орусия, Казакстан, Иран жана Ирак сындуу мунай өндүрүүчү өлкөлөрдүн экономикасына жакшы таасирин тийгизет.

Иранда мунай өндүрүүнүн көлөмү көбөйгөндүгүнө карабастан, Brent үлгүсүндөгү мунайга болгон баа да өстү (27 доллардан 50 долларга чейин).

Талдоочулар мындай жагдайды доллардын курсуна жана Федералдык резервдик кызматтын пайыздык ставкаларды жогорулатканына байланыштырууда. Ошондой эле, Канададагы токой өртүнөн жана Нигериядагы баш-аламандыктан улам болушу да мүмкүн экендигин айтышууда.

Сингапурдагы аянтчада соода сессиясы кызыган учурда Brent маркасындагы мунайды алып келүүгө болгон фьючерстер 27 центке өскөн. Америкалык WTI үлгүсүндөгү мунайдын баасы 21 центке кымбаттаган.