Биринчи кварталдын жыйынтыгы менен Жалал-Абад облусу боюнча 6719 жаш бала төрөлүп, бир жашка чейинки 101 ымыркайлардын өлүмү катталган. Бул тууралуу ыйгарым укуктуу өкүлдүн орун басары Ырысбек Ызабеков коллегияда билдирди.

Ызабековдун берген маалыматына караганда, балдар өлүмүнүн  көрсөткүчү (ПМС) 1000 тирүү төрөлгөн балага алганда 15,2 түзүп, былтыркы жылга салыштырмалуу 0,4 жогорулаган. Бир жашка чейинки балдардын өлүмү Аксы, Ала-Бука, Токтогул райондорунда жана Жалал-Абад менен Кара-Көл шаарында өсүп кеткен.

“Мындан сырткары облустук төрөт үйүңдө 3 эненин жана Сузак райондук төрөт үйүндө 1 эненин  өлүмү катталган. Жалал-Абад облустук үй-бүлөлүк дарыгерлер борборунун директору Маматжан Мияновдун бир жашка чейинки ымыркайлар менен энелердин өлүмүн азайтуу жаатындагы маалыматтары коллегияда угулду”, - дейт өкүлдүн орун басары Ы.Ызабеков.