Грузия, Азербайжан жана Казакстан өкүлдөрү Транскаспий транспорт коридорунун алкагында келишим түзүштү. Бул тууралуу Trend агенттиги билдирүүдө. 1-апрелде Бакуда “Транскаспий транспорт коридору” эл аралык ассоциациясынын юридикалык жактарынын шериктештигинин жыйыны өттү.

Тараптар транспорттук коридорду өнүктүрүү боюнча жумушчу топтун курамын, 2017-жылы аткарыла турган иштердин планын, Шериктештиктин уставын, эн белгисин бекитишти.

Эл аралык Транскаспий транспорт каттамы (ТМТМ) – Баку- Ахалкалаки- Карс темир жолунун бөлүгү. Ал Евразиянын логистика, экономика жана тышкы саясатына олуттуу өзгөрүүлөрдү алып келет. ТМТМ Кытай, Казакстан, Азербайжан, Грузия жана андан ары Түркия менен Украина аркылуу Европага өтөт. Долбоор ишке ашса, Азиядан Европага жүктөрдү үч эсе ылдам жеткирүүгө жана жалпы чыгымдарды кыскартууга шарт түзүлөт.