Жалал-Абад облустук сотунун жаңы имаратынын ачылышы болуп, ага Жогорку соттун төарагасы Айнаш Токбаева жана жергиликтүү бийлик өкүлдөрү, укук коргоо орагандарынын жетекчилери, коомчулук катышты. Бул тууралуу облустук соттон билдиришти.

Салтанаттуу иш-чарада Жогорку соттун төарагасы Айнаш Токбаева, акыркы жылдары сот тутумун реформалоонун алкагында, аны каржылык жана материалдык-техникалык жактан жетиштүү камсыз кылууга мамлекет тарабынан чоң көңүл бурулуп келгендигин билдирди. 

Ал эми Сот департаментинин директору Р. Ибраимов Жалал-Абад облустук сотунун Төрагасы Ш.К.Камбаровго «Тойота Кэмри» үлгүсүндөгү, Чаткал райондук сотуна жана Тогуз-Торо райондук сотуна «НИВА» үлгүсүндөгү кызматтык автоунаалардын ачкычтарын тапшырды.

Соттун имараты 3 кабаттан, 29 бөлмөдөн турат, анын ичинен 13 иш бөлмө судьяларга, 3 сот отурумунун залы, 1 конференц-зал, калган бөлмөлөр кеңсеге жана соттун аппарат кызматкерлерине бөлүндү. Имаратта сапаттуу заманбап оңдоо иштери жүргүзүлүп, жасалгаланды.

Мындан сырткары, коопсуздук маселеси чечилип, милициянын кайтаруусуна алынып, электрондук кулпу менен эшиктер жана турникет орнотулду.