Нооруз майрамына карата Бишкек шаарынын мэриясы борбордук “Ала-Тоо” аянты жасалгаланды. Ал жерде күйүп-жанып турган композиция түрүндөгү жаратылыштын таңын даңазалаган аянтча кооздолду.

Шаардык муниципалитеттин басма сөз кызматы кабарлагандай, кичинекей оргумалардын жанында Кызыл китепке кирген жаныбарлардын – ак илбирс, аркар-бугу жана бүркүттүн фигуралары орнотулат. Аянтты күйүп-өчүп турган түстүү бактар курчайт жана фонарларга жоогазын түрүндөгү плафондор тагылат. “Жашылдандыруу” ишканасы темирбетон вазондорго арчаларды отургузду.

Бишкекте 21-мартта майрамдык программа саат 10до башталат. Курманжан Датка эстелигинин алдында Кыргызстанда жашаган элдер улуттук тамактарын, колдон жасалган буюмдарын көргөзмөгө коюшат.

“Ала-Тоо” аянтында театрлаштырылган оюн-зоок концерти өтөт. Эски аянтта дагы майрамдык программалар жана спорттук иш чаралар болот.

Нооруз – түрк элдеринин жаз майрамы. Ал ЮНЕСКОнун материалдык эмес мурастар тизмесине киргизилген. Бул идеанын демилгечилери – Азербайжан, Ооганстан, Индия, Иран, Ирак, Казакстан, Кыргызстан, Пакистан, Тажикстан, Түркмөнстан, Түркия, Өзбекстан.