Жалал-Абадда Улуттук банктын өлчөнгөн алтын куймаларын сатууну жүргүзүү иш-чарасынын бир жылдыгына арналган пресс-конференция өткөрулдү. Мындан бир жыл мурда 2015-жылдын 7-майында Улуттук банк тарабынан аффинаждалган өлчөнгөн алтын куймалары сатыла баштаган. Бул тууралуу маалыматты Улуттук банктын Жалал-Абад областындагы филиалынын жетекчиси Фархад Артыков билдирди.

 - Ушул убакыт ичинде биз аталган долбоорду ишке ашырууда биринчи кезекте Кыргыз Республикасында кымбат баалуу металлдар рыногун түзүү жана өнүктүрүү, республиканын ишканалары жана калкы үчун жыйымдардын жана салымдардын жаңы рыноктук инструменттерин түзүү багытында ийгиликтерге жетиштик. 2015-жылдын 7-майынан бери сатылган аффинаждалган алтын куймаларынын жалпы салмагы 85, 1 киллограмм чыгып, суммасы 228, 9 миллион сомду туздү.

Ал эми кайрадан сатып алынган өлчөнгөн алтын куймаларынын санына токтолсок, анда 837 даана  же 39,3 киллограмм алтынды түздү. Улуттук банк бул долбоорго Кыргызстандын коммерциялык банктарын тартуу максатында, Улуттук банк тарабынан чыгарылган таза алтын куйма түрүндөгү баалуу металлдар менен банк операцияларын жүргүзүү үчүн “Капитал Банк”, “Кыргызкоммерцбанк” жана “Айыл Банкка” лицензия берилди , - дейт Ф. Артыков.