Жалал-Абад шаарындагы Экономика жана ишкердик университетинде “Борбордук Азиядагы боштондук көтөрүлүшүнө 100 жыл” аттуу илимий конференция өткөрүлдү. Бул тууралуу маалыматты аталган окуу жайдын философия жана жалпы билим берүү кафедрасынын башчысы тарых илимдеринин кандидаты профессор Жеңиш Дүйшеев  билдирди.

Анын айтымында, илимий конференциянын башталышында, “Тарыхтын кара тагы” аталыштагы  1916-жылдагы окуялар тууралуу документалдык фильм коюлду. Конференцияга “Мурас” фондунун вице-президенти, тарых илимдеринин кандидаты, профессор Кыяс Молдокасымов, И. Арабаев университетинин тарых илимдеринин доктору, профессор Ташмамбет Кененсариев, Кызыл-Суу Кыргыз Автоном облусунун адабият-жазуучулар коомунун төрагасы Жумак Кадыр жана башка коноктор чакырылып, аларга студенттер тарабынан  суроолор берилип, тийиштүү жооптор алынды, -дейт Ж. Дүйшеев.