Бангладеште «Роану» циклонунан 20дан ашуун адам каза тапты. Катаал аба-ырайы түштүк азияда жайгашкан мамлекеттин жарым миллион жашоочуларын өз үйлөрүн таштап кетүүгө мажбур кылган. Бул тууралуу КР ӨКМнин басма сөз кызматы билдирди.

Жер көчкү жана суу ташкындоонун натыйжасында, Читтагонгдо он бир адам, Бхола жана Кос-Базар округунда үчтөн, ал эми экөө Ноакхалиде бирөө Патуакхалиде каза болгон.

Катуу шамал Бангладештин жээгиндеги аймактарды каптап андагы бак-дарактар тамыры менен жулунуп, турак үйлөр кыйрап, чатырлары учкан, көптөгөн электр чубалгылары жана суу түтүкчөлөрү үзгүлтүккө учураган.

Бийлик тарабынан 500 миңден ашуун адамдар атайын баш калкалоочу жайга жөнөтүлгөн. Азыркы учурда, аба-ырайы бир аз жакшырган.

Бангладеш ар дайым тропикалык циклондон жабыркап келет, жыл сайын аба-ырайынын начардыгынан жүздөгөн адамдар каза болот.