Базар-Коргон районунда 2016-жылдын 22-майында саат 23:45 чамасында базар күйүп жатат деген маалымат түшкөн. Болжол менен 2000 чарчы метр металл жабылган кийим-кече сатылуучу контейнерлер күйгөн. Бул тууралуу КР ӨКМнин басма сөз кызматы билдирди.

Алынган маалыматка караганда, 23-майда саат 02:42де курчоого алынып, саат 03:20да өрт толугу менен өчүрүлдү.

Базардагы сатучуулар товарын сактап калыш үчүн болжол менен 600-700гө жакын адамдар чыгышып, товарларын алып чыгышып, өрт өчүрүүчүлөр жардам беришти.

Өрт өчүрүүгө КР ӨКМнин Базар-Коргон, Ноокен, Сузак райондорунун жана Жалал-Абад шаарынын өрт-куткаруу бөлүмдөрү тартылган.