Үстүбүздөгү жылдын январь айында облус аймагында 28 өрт кырсыгы катталып, андан келтирилген материалдык зыян 2 миллион 80 миң 566 сомду түзгөн. Бул тууралуу облустук өрткө каршы мамлекеттик кызмат башкармалыгынын өрттү алдын-алуу бөлүмчөсүнүн улук инспектору майор Жунус Маматкулов билдирди.

Алынган маалыматка караганда, Жалала-Абад облустук өрткө каршы мамлекеттик кызмат башкармалыгы тарабынан облус аймагындагы чарбалык объектилерде өрткө каршы профилактикалык иш-чараларды жүргүзүшкөн. Өткөн жылдын ушул мезгилине салыштырмалуу өрт кырсыгынын саны 15 пайыз, ал эми өрттөн келтирилген материалдык зыян 19 пайызга азайган.

"Тактап айтканда, 2016-жылдын январь айында 42 өрт кырсыгы катталып, өрттөн келтирилген материалдык зыян 3 миллион 181 миң 414 сомду түзгөн",-дейт ал.