Казакстандын Улуттук экономика министрлиги быйыл өлкөнүн ички дүң өнүмү 2 пайыздан кем эмес деңгээлде өсөт деп болжолдоодо. Бул тууралуу мекеме башчысы Тимур Сулейманов өкмөттүн кеңейтилген жыйынында билдирди. Анын маалыматы боюнча өткөн жылы ички дүң өнүмдүн өсүүсү 1 пайызды түзгөн.

Министр мындай божомолду глобалдык экономиканы жаңы чакырыктар күтүп жаткандыгы менен түшүндүрдү. Айтымында, алар энергетикалык ресурстарга болгон баанын өзгөрүүсүнө, валюталык курстардын туруксуздугуна жана АКШнын жаңы президентинин саясатына байланыштуу болот.

Өткөн жылы өлкөнүн ички дүң өнүмүнүн жогору болушу - күзүндө Кашаган көмүрсуутек кенинин ишке киргизилгени менен түшүндүрүлүүдө.