Таш-Көмүр шаарынын инфраструктурасын жакшыртуу иштерине жалпысынан 2013-жылдан 2016-жылга чейин 288 миллион сомдук акча каражаты жумшалган. Бул тууралуу шаар мэри Бекболот Миңбаев билдирди.

Анын айтымында, Таш-Көмүр шаарынын бюджети 2013-жылы 50 млн. 513 миң сом болсо, 2014-жылы 63 млн. 420 миң сом, 2015-жылы 77 млн. 867 миң сом, ал эми 2016-жылы 88 млн. 499 миң сом болуп, 3 аралыгында жергиликтүү бюджет 37 млн. 986 миң сомго көбөйгөн. Жергиликтүү бюджеттин көбөйгөндүгүнүн негизинде шаарда бир топ алгылыктуу иштер аткарылды.

“Айтып кетсек, 2016-жылы  шаарыбызда жакшы иштер болду деп биз эсептейбиз. Себеби, шаарыбызда мектеп, бала бакчаларды оңдогонго биз жетиштик. Ошондой эле, шаарыбызда 42 млн. сомдук жолдорду оңдоо иштери аткарылды. АРИС программасынын негизинде жалпысынан 50 млн. сомдук, шардагы таза суу түтүкчөлөрүн реаблитациялоо долбоору башталып, бул долбоор толугу менен бүткөрүлдү, - деди Б.Миңбаев.