2016-жылдын 12 айынын жыйынтыгы менен «Жалалабатэлектро» ААКу электр энергия үчүн 1 571,7 млрд. сом чогултуп, мерчемдик көрсөткүчтү 101 пайызга аткарды. Бул тууралуу «Жалалабатэлектро» ААКнун   маалымат кызматы билдирди.

Алынган маалыматка караганда, мерчемдик көрсөткүчтөгү 1 559,4 млрд. сомдун ордуна 1 571,7 млрд. сом чогултулду, анын ичинде калктан 702,7 млн. сом чогултулуп көрсөткүч 102 пайызга аткарылган.

2016-жылдын 12 ай ичиндеги коомдун жалпы жоготуусу мерчемдик көрсөткүчтөгү 12,50 пайыздын ордуна 12,67 пайызды түздү.

“Калктын дебитордук карызы жыл башында 132,6 млн. сомду түзгөн болсо, ал 25,5 млн. сомго азайтылды. Азыркы күндө калктын дебитордук карызы 107,1 млн. сомду түзүп 19,2 пайызга кыскарды”, - деп билдирет аталган ишкананын маалымат кызматы.