Түркмөнстан өлкө аймагы аркылуу Орусияга барчу темир жол ачуу тууралуу тажик аткаминеринин айткандары боюнча тынчсыздануусун билдирди.

Түркмөнстандын Тышкы иштер министрлигинин шаршембиде жарыяланган билдирүүсүндө «Тажик темир жолу» компаниясынын жетекчи орун басары Усмон Каландаровдун айткандары «ылайыксыз» болгону жазылган.

Буга чейин тажик ММКлары Калдаров Өзбекстан аркылуу өлкөнү Орусия менен бириктире турган жаңы темир жол линиясын ачуу мүмкүндүгү талкууланып жаткандыгын билдиргенин кабарлашкан. Ал жолдун бир бөлүгү Түркмөнстандын аймагы аркылуу өтөрү айтылган.

Түркмөн ТИМи бул билдирүүнү эки тараптуу мамилелер менен аймактык байланыштардын өнүгүүсүнө ылайык келбейт деп мүнөздөп, Тажикстан аны кайра артка алышы керек деп эсептейт. ТИМдин билдирүүсүндө Түркмөнстан менен Тажикстан Түркмөнстан-Ооганстан-Тажикстан темир жолун куруу долбооруна катышып жатканын жана өткөн жылдын ноябрында Түркмөнстан анын биринчи бөлүгүн куруп бүткөргөнү айтылган.

Андан сырткары министрлик Түркмөнстан Тажикстан менен кызматташууну улантууга даяр экендигин жана коңшу өлкө чиновниктин билдирүүсүн карап чыгат деген үмүтүн билдирген.