Абанын булгануусунан улам оор экологиялык абалга кептелген Европа өлкөлөрүнүн көбүндө атайын чаралар көрүлө баштады. Абанын температурасы төмөндөп, көмүр менен жыгач көп жагылып жаткан шартта ири шаарларды кара түтүн каптады.

Бийлик балдар менен карылардын физикалык чарчоосу күчөшү ыктымалдыгын эскертип, дем алуу органдарында көйгөйлөрү барларды этият болууга чакырууда.

Дүйшөмбүдөн тарта Парижде көчөлөрдөн эски унаалар алынып, коомдук транспорттогу жол акы арзандатылды.

Кара түтүндөн улам Лондондогу Хитроу аэропортунда эки күндөн бери ондогон каттамдар токтотулуп жатат.

Венгриянын 20 шаарында, анын ичинде Будапештте да катализаторсуз унааларды пайдаланууга тыюу салынды.

Польшада эң абасы булганган аймак эсептелген Краков облусунда да бийлик тарабынан атайын чаралар көрүлүүдө.