Өзбекстандын парламентинин токтомунун негизинде 39 миң 748 киши мунапыска илинди. Жазадан кылмыш кылган маалда 18ге жашка толо элек 5408 аял жана 893 эркек, ошондой эле 60тан ашкан 1045 адам бошотулду.

Мунапыс тууралуу документте жазадан биринчи жана экинчи топтогу майыптарды, ошондой эле тиешелүү токтом күчүнө киргенге бир ай калганга чейин оорулуу деп табылган камактагыларга азаттык берүү каралган. Ага ылайык 144 киши бошотулду. Документтин башка пункту менен жаза мөөнөтү кыскартылгандарды бошотуу каралган.

Маалыматка караганда, учурда соттор менен биргеликте прокуратура, ички иштер, саламаттыкты сактоо органдарында мунапыска илингендер боюнча тиешелүү иштер жүрүүдө. Кургак учук менен ооруган жана биринчи, экинчи топто диспансердик каттоодо тургандар атайын медициналык жайларга жөнөтүлөт. Үй-бүлөсү жок жалгыз адамдар «Саховат» же «Мурувват» үйлөрүнө жайгаштырылат. Эрезеге жете электер ата-энелеринин же камкордукка алчу мекемелердин көзөмөлүндө болуп, зарыл болгон учурларда атайын окуу жайларга жөнөтүлөт.