2017-жылдын 18-январы күнү саат 17:00 чамасында Жалал-Абад ШИИБнүн нөөмөт бөлүмүнө, Жалал-Абад шаарынын Индустриальная көчөсүндө мамлекеттик белгиси D-АА сандуу «Тойота» үлгүсүндөгү автомашинанын айдоочусу бети башы кан абалда, автомашинасынын ичинде отурган жеринен тез жардам кызматы алып кеткендиги жөнүндө кабар келип түшкөн. 

Жалал-Абад шаарынын ыкчам-тергөө тобу окуя болгон жерге барып, Жалал-Абад шаарынын Индустриальная көчөсүндө жайгашкан «Кыргызтелеком» ишканасынын батыш тарабындага автожолдо күмүш түстөгү, мамлекеттик белгиси D-АА сандуу «Тойота-ярис» үлгүсүндөгү автомашина жолдун чыгыш жээгинде токтоп тургандыгы аныкталган.

Окуя болгон жерге жана автоунаага кароо жүргүзүлгөн учурда, автоунаанын эшиктери ачылган, артыңкы сол тарабындагы фарасынын астындагы бамперинин жаны чийилген абалда экендиги такталган. Ал эми, автоунаанын алдыңкы айдоочу орундугунун астындагы резина поликтин үстүндө белгисиз травматикалык ок атуучу пистолеттин бир даана гильзасы, алдыңкы жүргүнчү орундуктун үстүндөгү алдыңкы лобовой айнек менен эшигинин айнегинин ортосундагы кошумча айнектин астынан дагы бир даана белгисиз травматикалык ок атуучу пистолеттин гильзасы буюм далил катары табылып алынган. Автоунаага жана окуя болгон жерге толук кандуу кароо жүргүзүлүп, Жалал-Абад ОИИБнын ПМБнүн автоунаалар коюулуучу короого токтотулган.

Аталган автоунаанын айдоочусу Жалал-Абад шаарынын тургуну, үй-бүлөлүү, жеке ишкер Б.Осмонов көчөсүндөгү “Таджи-Махал” кафесинин ээси, 1954-жылы туулган Азизов Абдусатар экендиги такталып, Жалал-Абад облустук ооруканасынын жандандыруу бөлүмүнө жаткырылып, А.Азизовтун оң тарап кулагынын астын кичи операция учурунда, травматикалык ок атуучу пистолеттин тоголок формадагы, каучукка окшош шариги алынган. Оор жаракатынан улам жабырлануучу өзүнө келбестен 4 күндөн кийин каза болду.

Окуя боюнча топтолгон материалдар алынып, медициналык, баллистикалык, биологиялык экспертиазалар дайындалып, КР Кылмыш жаза кодексинин 97- беренеси “Адам өлтүрүү”  менен кылмыш иши козголгон.

Жүргүзүлгөн ыкчам иш чаралардын натыйжасында кылмышты “Мерседес-Бенс” 600 үлгүсүндөгү автоунаада азият улутундагы, белгисиз жарандар жасагандыгы аныкталып, бул автоунааны аныктоо жана кылмышкеркерлерди кармоо боюнча “Тосмо” (Перехват) операциясы киргизилип, постор коюлуп, багыттамалар берилген.

Ыкчам иликтөө иштеринин натыйжасында кылмыштын иизин суутпастан шектүү катары Майлуу-Суу шаарынын тургуну 24 жаштагы Д.А, мурда соттолбогон, эч жерде иштебеген, бойдок жана анын досу автоунаанын айдоочусу Сузак районунун тургуну 23 жаштагы Р.Н. кармалып, автоунаасы жана далил буюм катары атылган тапанча жана анын 4 даана октору менен табылган. Алар кылган ишин толук мойнуна алып учурда шектүү атуулдар убактылуу кармоочу жайга киргизилди.

Тергөөнүн жүрүшүндөгү алгачкы маалыматы боюнча алсак, кылмышка шектүү жабырлануучунун (каза болгон) артынан бир топ күн аңдып жүргөн. 18-январь күнү Д.А. саат 3:00 чамаларда досунун “Мерседес-Бенц 600” автоунаасына олтурушуп, “Таджи-Махал” кафесинин жанында жайгашкан Новои көчөсүндө, өз үйүнөн автонаасы менен чыгып келе жаткан 63 жаштагы Азизов Абдусатардын артынан аңдып, жолун бууп (кысып) токтотот да, түшүп барып жабырлануучу Азизов Абдусатарга карай эки ирет ок атып, изин жашырып качып кеткен.

Жалал-Абад ОИИБнын басма сөз кызматы.