Жалал-Абад мамлекеттик университетинде «Студенттик илим-2016» аталыштагы илимий-практикалык конференция болуп өттү. Бул тууралуу аталган окуу жайдын басма сөз кызматы билдирди.

Алынган  маалыматка караганда, конференцияда  студенттер өздөрүнүн кызыккан темасын  изилдеп, эксперимент жасап алынган  изилдөөнүн  анализин көргөзүп,  илимий баяндама жасашты. Иш-чаранын ачылышында университеттин  ректору профессор Акунжан Абдрашев студенттерге изилдеген темасы мындан  ары өнүгүп, кандидаттык,  докторлук ишке айланып, ийгилик жаратышын каалады.

Иш-чарага университеттин  профессордук-окутуучулар жамааты катышты. Жыйнтыгында, студенттерге диплом жана акчалай сыйлыктар тапшырылды.