Кечээ, 17-январда Кыргыз Республикасынын Өкмөтүнүн Жалал-Абад облусундагы ыйгарым укуктуу өкүлү-Жарандык коргонуу башчысынын 2016-жылга бекитилген даярдык иш мерчеминин негизинде өткөрүлгөн иштердин жыйынтыгын караган селектордук жыйын болуп өттү.

Жыйынды Өкмөттүн облустагы өкүлүнүн 1-орун басары Мамасалы Акматов алып барып, анын ишине облустук Жарандык коргонуу боюнча коллегия мүчөлөрү катышты. Ал мэи Кыргыз Республикасынын ӨКМнин Жалал-Абад облустук башкармалыгынын башчысынын милдетин аткаруучу Абдишарип Бекилов Жарандык коргонуу багытында 2016-жылы аткарылган иштер боюнча кеңири маалымат берди. 

- Кыргыз Республикасынын Өкмөтүнүн Жалал-Абад облусундагы ыйгарым укуктуу өкүлү-Жарандык коргонуу башчысынын 2016-жылга бекитилген даярдык иш мерчеминин негизинде облустук, райондук жана шаардык деңгээлде 122 атайын Жарандык коргонуу багытында окуулар, машыгуулар жана текшерүүлөр өткөрүлдү.  Анын ичинен облустук - 11, райондук жана шаардык деңгээлде - 111  машыгуулар жана текшерүүлөр өткөрүлдү. 

Жалал-Абад шаардык башкаруу органдарын жана ЖК кызматтарын комплекстик текшерүү өткөрүлүп, жыйынтыгы боюнча облустук Жарандык коргонуунун башчысына сунуш берилген.

Токтогул районунун ЖКсунун башкаруу органдары менен комплекстик райондук окуусун өткөрүү учурунда, жергиликтүү башкаруу органдарынын көңүл кош мамилесинен облустук ЖК башчысынын талаптарын так, туура аткарууга катышууну камсыздаган жок. Жыйынтыгында кетирилген кемчилдиктерди жоюу жана кайрадан окууну өткөрүүгө сунуш берилген, бирок аталган сунушту аткаргандыгы боюнча так маалыматтар ушул күнгө чейин аткарылбай келүүдө.

Калган облустук жана район-шаардык Жарандык коргонуу башчылары менен биргеликте өткөрүлгөн комплексттик окуулардын жыйынтыгы менен жалпы абалы канааттандырарлык деп бааланды, - деди А.Бекилов.

Ошондой эле,  А.Бекилов жергиликтүү бийликтер тарабынан кайдыгер мамилелеринин кесепетинен көйгөйлөр жаралган. Мисалы, Сузак районунун Багыш айыл аймагынын Багыш, Кулбайлуу айылдарына  2016-жылдын апрель  айында берилген 270 даана габиондук торчо жана Аксы районунун Үч-Коргон айыл аймагынын Катыраңкы айылына 2016-жылдын май айында берилген 205 даана габиондук торчо бүгүнкү күнгө чейин коюлбай, көрөңгөдө сакталып турат. Анын кесепетинен облустун аймагындагы жумуштарды аягына чыгарууга башка район жана шаарларга товардык-материалдык-каражаттарды бөлдүрүп берүүдө терс таасирлерин тийгизген.

Жыйында өкүлдүн 1-орун басары М.Акматов он-лайн тартибинде Сузак, Аксы, Токтогул, Ала-Бука райондорунун акимдери жана Жалал-Абад шаарынын 1-вице-мэри менен байланышка чыгып, Жарандык коргонуу тарабынан аткарылып жаткан иштерин, кооптуу болгон жайлардан жарандарды көчүрүп чыгуу, сел ала турган дамбалардын жээктерин бекмдөө иштеринин жүрүшү боюнча маалыматтарды алды.

Облустук Жарандык коргонуу боюнча коллегия мүчөлөрү КР ӨКМнин Жалал-Абад облустук башкармалыгынын башчысынын милдетин аткаруучу Абдишарип Бекиловдун жасаган баяндамасы боюнча аткарылган иштерди канааттандырарлык деп баалашты.

Анархан Жаңыбаева, "kogart.kg".