Жалал-Абад шаардык жол башкармалыгы тарабынан 2016-жылга бекитилип берилген асфальт төшөө иш планы толугу менен аткарылган. Бул тууралуу маалыматты аталган башкармалыктын жетекчиси Алмаз Султанкулов билдирди.

 - Өткөн жыл ичинде шаар ичиндеги жолдорду оңдоп-түзөөгө жалпысынан 15 миллион 224 миң 811 сом акча каражаты жумшалды. Тактап айтсак, шаардын 9 көчөсү кеңейтилип, 6 көчөгө тратуарлар курулуп, 6 көчөнүн жаракалары жамалды. Ошондой эле  9 көчөгө шагыл төгүлдү. Натыйжада 2016-жылга бекитилген иш-план толугу менен аткарылды,-дейт ал.