Былтыр экстремизм жана терроризмге үгүттөгөн 21 сайт сот чечими менен жабылды. Бул тууралуу Ички иштер министрлигинен кабарлашты. Маалыматка ылайык, учурда сегиз сайттын ишмердигин токтотуу маселеси сотто каралууда. Дагы жети сайтка укуктук баа берүү маселеси Башкы прокуратурага жөнөтүлдү.

Ошондой эле экстремизмди үгүттөйт делген “Одноклассники” социалдык тармагындагы 20дан ашуун колдонуучунун баракчасы өчүрүлгөн.

Осмонбаев мындай аракеттер интернет аркылуу экстремизм жана терроризмдин жайылышына каршы жасалып жатканын белгиледи.

Кыргызстанда 19 диний уюм экстремисттик жана террордук багытта деп табылып, алардын ишмердигине тыюу салынган.