Сузак районунда 2016-жылдын 3-январында алдын ала алынган маалымат боюнча, Көк-Арт айыл аймагынын Жалгыз-Жангак айылынын түштүк тарабындагы жантаймада 50 метрдей жер көчкү жылып, 16 турак-жайга кооптуулукту жараткан. Жер көчкүнүн болжолдуу көлөмү 40млн. м3 түзөт. Бул тууралуу ӨКМнин басма сөз кызматы билдирди.

Аталган жер көчкү 1 турак-жайга 15 метр  жана 15 турак-жайга 350 метр калган. Бул жер көчкү 1990-жылдары пайда болгон, 1994-жылдары жер көчкү жылып, натыйжада 6 турак-үй жабыркап, 16 турак-жайга кооптулук жаралган. Жергиликтүү бийлик тарабынан  турак-үй ээлерин коопсуз жерге көчүрүү боюнча чечим кабыл алынып, турак-жай куруу үчүн, жер тилкелери бөлүнүп берилип, мамлекеттик жеңилдетилген ссудалар берилген. Бирок азыркы учурда жашоочулар жашап жатышат.

2017-жылдын 5-январында КР ӨКМнин Мониторинг департаментинин адиси жана КР ӨКМнин райондук бөлүмүнүн башчысы тарабынан жеринде изилдөө иш-чаралары жүргүзүлүп, жергиликтүү мамлекеттик администрация жана айыл аймак башчысына 16 үй-бүлөнү коопсуз жерлерге көчүрүп чыгаруу боюнча, жеринде эскертме берилди.

Жергиликтүү бийлик тарабынан аталган участок байкоого алынып, күзөт уюштурулду жана коопсуз жерде жашаган үй-бүлөлөрдү көчүрүп чыгуу боюнча, иш-чаралар уюштурулуп жатат.