Өткөн 2016-жыл ичинде Жалал-Абад шаардык жаштар иштери, дене-тарбия жана спорт бөлүмү тарабынан шаар аймагында спорттун ар кайсы түрлөрү боюнча 20 мелдеш өткөрүлгөн, анын үчөөсү республикалык мелдештер болуп саналат. Бул тууралуу аталган бөлүмдүн башчысы Адыл Бакиров билдирди.

Анын айтымында, өткөн жылы аталган бөлүм тарабынан өткөрүлгөн мелдештер саны мурдагы жылдарга салыштырмалуу көп болгон.

- Бизде 2016-жыл ичинде даталуу күндөргө карата 6 мелдеш, спорттун массалык түрлөрү боюнча 9 мелдеш, спорттун ар кайсы түрлөрү боюнча 5 мелдеш өткөрүлгөн. Алардын ичинен үч мелдеш республикалык деңгээлде өткөрүлдү. Ал эми 17 мелдеш шаардык деңгээлде уюштурулган, - дейт ал.

Эскерте кетсек, 2016-жылы шаардын борбордук “Курманбек” стадиону толугу менен реконструкцияланып, эл аралык стандарттагы спорттук жайына айланды.