Баш мыйзамды өзгөртүү боюнча референдумду утурлай Тажикстанда коопсуздук чаралары күчөтүлдү. Бул тууралуу өлкөнүн Ички иштер министрлиги билдирди.

Маалыматка караганда, деструктивдүү күчтөрдүн республикадагы кырдаалды туруксуз кылуу аракетине жол бербөө максатында кошумча күчтөр коомдук тартипти көзөмөлдөөгө тартылды.

Соңку 25 жылдан бери бул өлкөдө шайлоолор тынч маанайда өтүп келген. Ага карабай, азыр Тажикстандын башкы шаарларында милициянын күзөтү көбөйтүлүп, мекеме-ишканаларды кайтаруу күчөтүлдү. Баш мыйзамдын жаңы долбоорунда президенттикке талапкерлердин жашын 35 жаштан 30 жашка чейин түшүрүү каралган. Бул 2020-жылы өтчү президенттик шайлоого президент Эмомали Рахмондун уулу Рустам Эмомалинин катышуусуна мүмкүнчүлүк берет.

Тажикстанда Конституцияны өзгөртүү боюнча референдум 22-майга белгиленген.

www