Тоолуу Бадахшан автономдуу облусун электр энергиясы менен камсыз кылган Pamir Energy компаниясы Кызматташуу боюнча швейцариялык кеңсенин колдоосу менен электрди эффективдүү колдонуу долбоорун ишке ашырууда.

Долбоордун алкагында компания күз-кыш мезгилинде электр энергиясына төлөмдөрдү азайтат. Марттан ноябрь айына чейин Pamir Energy жашоочуларга ай сайын 360 кВт электр энергиясын сунуштайт. Калк анын наркынын 10 % төлөйт, калган чыгымдарды компания өзү көтөрөт. Бирок кардарлар дал ушул көлөмдөгү электр энергияны бир айга жеткириши керек. Бул субсидияны акчалай эсептегенде 70 сомонини (10 АКШ долларына жакын) түзөт.

Демилгенин максаты – Памирдеги отундун тартыштыгына байланыштуу электр энергиясын үнөмдүү пайдалануу. Тоолуу Бадахшан облусунда болжол менен 300 миң адам жашайт.

Pamir Energy компаниясынын карамагында учурда “Памир-1” жана “Хорог” баш болгон 11 орто жана чакан ГЭС бар. Компания мындан тышкары электр энергиясын Ооганстанга дагы экспорттойт.