Жаңы жыл майрамын улай 2-январь күнү саат  18.00 чамасында 102 телефону аркылуу  Жалал-Абад шаарынын Балтагулов көчөсүндө жайгашкан “Керемет” мончосунда А.Зны өзүнүн жездеси  уруп жатат деген чакыруу түшкөн.

Аталган дарекке 2 аймактык тескөөчү барган учурда, Жалал-Абад шаарындагы “Керемет” мончосунун башчысы, 1977-жылы туулган И.А. мас абалда оозго алгыз сөздөр менен сөгүп жатканда ошол жердеги 20-25 жаштагы бейтааныш болгон бала сөзгө аралашып кеткен. Ошол учурдан пайдаланып И.А арттан келип байкатпай аймактык тескөөсүнүн башына сокку уруп жиберген. Жанында турган 20-25 жаштагы баласы да кошулуп участковыйга кол көтөргөн.

“Бул окуя боюнча КЖКнын “Бийлик өкүлүнө зомбулук көрсөтүү” беренеси менен кылмыш иши козголуп, милицияга каршылык көрсөткөн мончо ээси камалды. Тергөө иштери уланууда”, - деп билдирет Жалал-Абад ОИИБнын басма сөз кызматы.