Бүгүн, 28-декабрь күнү Кыргыз Республикасынын “Тарых жана Маданият жылына” карата Жалал-Абад ОИИБнын демилгеси менен Сузак районунда жайгашкан жалпы билим берүү мектептеринде жаш өспүрүмдөр жана жаштар арасында “Милиция–көп кырдуу, сыймыктуу кесип” аттуу иш-чара Сузак районунун №2 “Дом-Ата” орто мектебинде өткөрүлдү. 

Жалал-Абад ОИИБнын басма сөз кызматынын берген маалыматына караганда, мындагы иш-чарага Жалал-Абад ОИИБнын орун басары И.Шатманалиев, Сузак РИИБнүн башчысы Н.Сыдыков, мектеп директору жана окуучулары катышты.

”Мекеним менин - Кыргызстан “ доолборунун алкагында өткөн иш-чаранын максаты - кылмыштуулукту алдын алуу, аны болтурбоо, жаштарды мекенчилдикке үндөө, илим-билимге болгон кызыгуусун арттыруу, милиция кызматкерлеринин кадыр-баркын көтөрүү жана аларга болгон ишенимди арттыруу, ошону менен бирге “Кыргыз Республикасынын 2016-2017-жылдарда жаштар жана жаш өспүрүмдөр арасындагы укук бузууларды алдын алуу боюнча ведомстволор арасындагы биргелешкен иш-чараларды күчөтүү жөнүндөгү” буйруктун талаптарын аткаруу болуп саналат.

Белгилей кетсек, Сузак районундагы  №2 “Дом-Ата” орто мектебинде өзбек улутундагы окуучулар билим алат, ошондой эле бул мектептин бардык программасына киргизилген сабактары 100 пайыз кыргыз тилинде окутулат.

“Бүгүн да жаңы-жылга карата жаңы ийгиликтерди жаратууга, жол ачууга өбөлгө түзүп, кыргы- өзбек улуткнун биримдигин, ынтымагын чындоо масатында ОИИБ тарабынан 1-класстар үчүн ”Алиппе” жана 5-класстар үчүн “Кыргыз-Тили” китебин белекке тапшырышты. Ал эми “Дом-Ата” орто мектебинин окуучулары өздөрүнүн патриоттук ырларын, Манас айтууларын жана кыргыз бийлери менен концерттик програмаларын тартуулашты”, - деп билдирет ОИИБнын басма сөз кызматы.