Өкмөттүн Жалал-Абад облусундагы ыйгарым укуктуу өкүлү Кыянбек Сатыбалдиев облустагы “Ак жол” балдар үчүн комплекстүү реаблитациялык борборунун тарбиялануучуларына арналып уюштурулган Жаңы жылдык балаты майрамына катышып, балдарга белектерди тапшырды.

Өкүл борбордо тарбияланып жаткан балдарды кирип келе жаткан Жаңы жыл майрамдары менен куттуктап, аларга чың ден соолукту, бактылуу турмушту, келечекте Кыргызстандын керегине жараган мыкты инсандардан болуп чоңоюшун каалап, балдар үчүн алып келген оюнчуктарын жана жылуу кийимдерди берди.

Борбордун тарбиялануучулары балаты майрамына карата куттуктап келген жетекчилерге арнап өздөрүнүн концерттик программасын тартуулашып, өкул менен бирге балатыны айланып хор ырдап, бийлешти.

Облустагы “Ак жол” балдар үчүн комплекстүү реаблитациялык борборунун жетекчиси Эркингүл Саркарова келген конокторго ыраазычылыгын билдирип кетти. Анын айтымында, учурда бул борбордо 21 бала тарбияланып жатат. ​