АКШнын Мамлекеттик департаменти “чет элдик агент” жөнүндө мыйзамды жокко чыгарууга үндөдү. 19-декабрда жарыяланган билдирүүдө Орусия 150 өкмөттүк эмес уюмду “чет элдик агентке” теңеп, аянычтуу чекке жеткени айтылат.

Мамдепартамент “Чет элдик агент” терминин колдонуу – бул уюмдарды чыккынчыларга теңегендик менен барабар деп эсептейт. Тизмеге ВИЧтин жайылуусунуна каршы күрөшкөндөр менен катар келгин куштарды коргогон уюмдар дагы киргизилген.

АКШнын Мамлекеттик департаменти Орусияны бул мыйзамды жокко чыгарууга жана эл аралык милдеттемелерин так аткарууга чакырды. “Орусия калкы коммерциялык эмес уюмдардын ишин басмырлабаган, жарандык коомдун ролун сыйлаган күчтүү, демократиялуу өкмөткө татыктуу”, -деп айтылат билдирүүдө.

“Чет элдик агент” жөнүндөгү мыйзам Орусияда 2012-жылы кабыл алынган. Юстиция министрлиги чет өлкөдөн каржылык колдоо алган жана саясий ишмердүүлүк жүргүзгөн уюмдарды тизмеге алат.

8-декабрда Адам укуктары боюнча кеңештин башчысы Михаил Федотов президент Путин менен жолугуп, коммерциялык эмес уюмдар жана чет элдик агент жөнүндөгү мыйзамды аткарууда аша чабууларга жол берилип жатканын айткан. Ага жооп иретинде өлкө башчы мыйзамды кайра карап чыгууну, өзгөчө экологиялык уюмдарга көнүл бурууну тапшырган.