Кыргызстандын авиакомпанияларынын Европа биримдигинин “кара тизмесинен” чыга албай жатышынын себептери кечээ өкмөттө талкууланды.

Министрлер кабинетинин маалымат кызматынын кабарлашынча, премьер-министр Сооронбай Жээнбеков тийиштүү адистердин, ошондой эле Унаа жана байланыш министрлигинин өкүлдөрү катышкан жыйын өткөрдү.

Учурда Евробиримдиктин "кара тизмесинде" КМШ өлкөлөрүнүн ичинен Кыргызстандын гана авиакомпаниялары кала берүүдө. Кыргызстан ага 2006-жылы илинген.