Таш-Көмүрдө көмүр казгандардын төртүнчүсү кечээ, 16-декабрь күнү саат 23:10до тирүү табылды.  Учурда жергиликтүү ооруканага жеткирилгенин, бул боюнча КР ӨКМнин Жалал-Абад облустук башкармалыгынын башчысынын милдетин убактылуу аткаруучусу Абдишарип Бекилов билдирди.

Эскерте кетсек, 16-декабрда саат 12:05 чамасында Таш-Көмүр шаарынын УМС участкасындагы Северный шахтасынын жанында мыйзамсыз түрдө көмүр казып жаткан 4 адамды шахта басып калган. Издөө иштеринин натыйжасында 1978-жылы туулган Таш-Көмүр шаарынын тургуну Ч.Б. жана Аксы районун Райкомол айылынын тургуну У.Н. аттуу жарандардын жансыз денелери чыгарылып, Таш-Көмүр шаардык ооруканасынын сөөктөрдү кармоочу жайына жеткирилген. Ал эми 1978-жылы туулган К. Д. аттуу жаран Таш-Көмүр шаардык ооруканага жеткизилип, дагы төртүнчүсүн издөө иштери аткарылып жаткан. Натыйжада 1987-жылы туулган Б.Д. 11 сааттан ашык казуу иштеринин натыйжасында табылып, учурда ооруканага жеткирилген.

Шахтадан адамдарды чыгарууга КР ӨКМнин 2-өзүнчө издөө куткаруу отрядынын, Таш-Көмүр шаарындагы тоо-кен куткаруу взводунун 7 куткаруучусу жана Таш-Көмүр шаарындагы экинчи өзүнчө издөө куткаруу отрядынын 21 куткаруучусу иш алып барышкан.

КР ӨКМнин басма сөз кызматы.