Жалал-Абад шаарынын курулуш тармагына киргизилген капиталдык салымдардын көлөмү өткөн жылдын он бир айына караганда 139,2 пайызга өскөн. Бул тууралуу Жалал-Абад шаарынын мэриясынан билдиришти.

Мэриянын экономикалык өнүгүү бөлүмүнүн башчысы Салижан Умаровдун айтымында, акыркы эки жылда шаарда курулуш иштеринин көлөмү өсүп, ага болгон капиталдык салымдардын көлөмү да өсүп жатат.

-Быйылкы жылдын он бир айында эле шаардагы курулуш тармагындагы капиталдык салымдардын көлөмү 450,9 миллион сомго жетти. Бул өткөн жылдын ушул мезгилине салыштырганда 127 миллион сомго көп болгонун билдирет. Демек, өткөн жылы он бир айда капиталдык салымдар 323,9 миллион сом болгон, - дейт ал.

Алынган маалыматтарга караганда, капиталдык салымдардын тутумунда жеригиликтүү бюджеттен да, жеке менчик тарабынан киргизилген капиталдык салымдар да өскөн.