Кытайдын «Лэнд Оушен Энержи Сервис Ко ЛТД» жана «КНГ Гидрокарбонс» ЖЧКсы компаниялары Кыргызстанда бир катар мунай долбоорлорун ишке ашыруу ниетинде. Бул тууралуу Кыргызстан менен Кытайдын Паньцзинь шаарынын администрациясы ортосундагы меморандумга кол коюу маалында белгилүү болду.

Документке ылайык, эки тарап мунайды кайра иштеткен завод куруу жана реконструкциялоо, нефти кендерин казууга байланышкан долбоорлор аркылуу кызматташат.

Кыргызтандын Экономика министрлигинин басма сөз кызматынын маалыматы боюнча, меморандум ошондой эле инвестициялык долбоорлорду ишке ашыруу тармагындагы комплекстик кызматташтыкты өнүктүрүүгө багытталган.