Ала-Бука районунда жайгашкан 20301 аскер бөлүгүнүн кызматкерлери үчүн 24 батирлүү үй куруу пландалып жатат. Бул боюнча Мамкурулуштун Турак-жай жарандык курулуш департаментинин Жалал-Абад облустук капиталдык курулуш башкармалыгы мамлекеттик сатып алуулар порталына жарыя жайгаштырган.

Ага ылайык, 20301 аскер бөлүгүндө кызмат өтөгөн аскер кызматкерлери 24 батирлүү үйгө ээ болушмакчы. Курулуш иштерине 51 млн. 135 миң 554 сомго тендер жарыяланган. Тендерде жарыяланган маалыматка ылайык 24 батирлүү турак-жай 2017-жылдын 1-ноябрына чейин курулуп бүткөрүлүүгө тийиш.

Ошондой эле, Сары-Таа айылынын Ортокоргон көчөсүндө спорт комплекс курулмакчы. Өсүп келе жаткан келечек муунду денисак тарбиялоо жана бекерчиликтен улам келип чыгуучу жаштар арасындагы кылмыштуулукту токтотуу максатында Ала-Бука айыл аймагына спорт комплексин куруу үчүн Ал-Бука айыл өкмөтү курулуш иштерин сатып алуу боюнча тендер жарыялады.

Курулуш келерки жылдын 25-майына чейин бүткөрүлөрү белгиленген. Ала-Бука айыл өкмөтү спорт комплекстин курулушуна 13 млн. 410 миң 520 сом каражат бөлүп бермекчи.Бул боюнча маалымат мамлекеттик сатып алуу порталына жарыяланган.