Жалал-Абад шаарында сасык тумоого чалдыккандар көбөйүп, вирустук инфекцияга чалдыккандар саны өткөн жылдагыга караганда аз болууда. Бул тууралуу облустук үй-бүлөлүк дарыгерлер борборунун директорунун орун басары Хадича Пратова билдирди.

Анын айтымында, шаардыктар арасында сасык тумоонун  жана  вирустук инфекциянын алдын алуу иштери толук кандуу жүрүп жатат. Бирок, ошого карабастан сасык тумоого чалдыккандар саны көп болуп, бирок вирустук инфекцияга чалдыгып, медициналык жардам сурап кайрылгандар саны аз болууда.

- Бизде учурда түшүндүрүү иштери жүрүп жатат, бирок былтыркы жылга салыштырмалуу тумоолоп ооруп калгандар саны көбүрөөк. Мисалы, өткөн жылы сасык тумоого чалдыгып, кайрыгандар саны 13 болсо, быйылкы жылы 42 болду. Ал эми вирустук инфекцияга чалдыккандар саны былтыркы жылга салыштырмалуу 787 кишиге азайды. Башкача айтканда, өткөн жылы 11 айда 4116 киши вируствк инфекцияга чалдыкса,  быйылкы жылы алардын саны 3329 болду. Быйылкы жылы бул сасык тумоого чалдыккан 14 жашка чейинки балдар саны көп катталууда.Тактап айта кетсек, сасык тумоо менен 38 жаш өспүрүм ооруп калган, - дейт ал.

Алынган маалыматка караганда, аялдардын, бир жашка чейинки балдардын, бала бакчадагылардын, мектеп окуучуларынын, үйдөгү жаш балдар арасында сасык тумоого чалдыккандар саны өскөнү менен вирустук инфекцияга чалдыккандар саны кыйла азайган.