Өткөн аптанын жума күнү Ашхабаддагы «Йимпаш» соода борборунун кездеме саткан бөлүмүндө 50 пайыздык арзандатуу жарыяланып, имараттын айланасы да, ичи да миңдеген адамга толгон. Көп өтпөй кезек күтүп тургандардын арасында талаш-тартыштар жаралып, айрым сатып алуучулар ортосунда мушташ да болгон.

Ашхабаддагы «Йимпаш» соода борбору жабылып жатканына байланыштуу миңдеген сатып алуучулардын көңүлүн бурган арзандатуу жарыялаган.

«Йимпаштын» ичинде кезек күтүп тургандардын көптүгүнөн улам адамдар артка да бурула албай калышкан, сыртта да имараттын ичине кирүүнү каалагандардын саны өтө көп болчу. Кире бериште турган нөөмөтчү кызматкерлер адамдарды топ-топко бөлүп киргизүүгө аракет кылышты. Бирок талаш-тартыштардан улам кезек күтүп тургандар ортосунда улам-улам пикир келишпестиктер болуп жатты. Арасында мушташканга чейин баргандар да болду», - деди Ашхабаддын соода борбордо болгон тургуну.

Анын айтымында, абалды полиция кызматкерлери өз көзөмөлүнө алганына карабастан арзандатуу менен товар алууну каалагандардын саны соода борбору жабылганга чейин азайган эмес. Эртеси арзандатуулардын аяктаганына карабастан идиш-аяк менен жаңы жылдык белектерге 50 пайыздык арзандатуу болуп жаткандыгы тууралуу кабардан улам миңдеген сатып алуучу «Йимпашка» чабуул койгон.

Ажиотаж имаратынын бузула тургандыгына байланыштуу «Йимпаш» түрк соода борборунун жабылып жатышына байланыштуу. Бийлик анын ордуна 2017-жылы өтчү Азия оюндары үчүн унаа токтотуу жайын курууну каалайт. Мындай чечим ушул жылдын июлунда болгон Түркиядагы төңкөрүш аракетинен көп өтпөй Түркмөнстанда жана башка өлкөлөрдө диний ишмер Фетхулла Гүлендин атына байланышкан уюмдар жабыла баштагандан кийин кабыл алынган.